Egin diezaiegun PCR bat euskal BGAEei
2019ko Memoriak dioen bezala, Geroa Pensiones-en 114.627 bazkide-ekarle zeuden; Gipuzkoako langile guztien % 37. Gainera, adierazten du ekarleak ez diren beste 162.040 pertsona dituela (onuradunak). Egia esan, ekarpenik egiten ez duten 162.040 horiek ere zenbatuko balira, Gipuzkoako langile guztien % 86 izango lirateke, eta guztiak GEROAkoak.
Eusko Jaurlaritzak, bere aldetik, 486.247 Enpleguko BGAEren berri eman du 2019an. Honek ere, bazkide onuradunak batzen ditu. Datu horiekin, ondorioztatzen da, 130.000 langile inguru izango genituzkeela BGAEekin, Ogasunari aitortzen ez dizkiotenak (Euskal Zerga Agentziaren zenbakien arabera). Hori ez da egia. Guztira, 317.776 Enpleguko BGAE daude. Ez dezagun geure burua engainatu. Gizarte Segurantzak onuradunak zenbatu eta afiliatuak deituko balitu, kopurua 43 milioikoa izango litzateke (hori bai, 25 milioi, kotizatzaileak ez direla esan beharko genuke). Zertara dator hori? Seriotasun gehiago, jaunak.
Errealitate horren argazki fidagarria izan nahi badugu, gardenak izan behar dugu, eta datu horiek sektoreka bereizi. Horrela:
- Enpleguko BGAEen bazkide ekarpengileetako 130.581 Euskal Administrazioko langileak dira (Eusko Jaurlaritza, Aldundiak eta Udalak). Hauek Euskal Enpleguko BGAEen % 41 dira.
- 43.900, kooperatibetako langileenak dira.
- Bada, sektore pribatuan, Enpleguko BGAEekin 143.295 langile baino ez zaizkigu geratzen (114.627 GEROAkoak eta beste 28.668 hainbat erakundetakoak (besteak beste, enpresa handietakoak, Mercedes, CAF eta abar). BGAEak EAEn sekulako hedadura duela saltzea, Gizarte Segurantzan, modu interesatuan, eraikitako defizita saltzea bezala da: gezur ustela.
- Datu horiekin, EAEn Enpleguko BGAE bat duten langileak %32 dira. Ehuneko hori honela banatzen da: Sektore publikoan %100 dira (euskal administrazioetako funtzionarioak eta langileak) eta sektore pribatuan langileen %16,2.
Toledoko Itunean behin eta berriz esaten bada ere, euskal langileen erdiak Enpleguko BGAE bat dutela, ez da egia.
Ondarera joz gero, are nabariagoak dira desberdintasunak. EAEko Enpleguko BGAEek pilatzen duten ondarearen erdia LAGUN ARO-koa da (43.900 bazkide kooperatibista), Enpleguko BGAE guztien %13,8, eta langile gisa EAE osoaren % 4,4.
Banakako BGAEen kopurura joanez gero, ia 850.000ri buruz hitz egin behar dugu, eta 360.000 aitortzaileren eskutan daude. Horrek, batez beste, Banakako 2,3 BGAE ematen dizkigu aitortzaile bakoitzeko. Gainera, tratu fiskal ona dute. Hi, gauza zuzen izendatu behar dira.
Izan ere, test honek, Escrivá ministro jaunari pentsio-plan pribatuak euskal erara saltzen entzutea oso polita izan arren, alde txarrak onak baino gehiago dira. Langileei buruz ari naiz, ez bankuei buruz.
PCR testaren emaitza: Negatibo Negatiboa.
Jesusmari Soubies Garate
Miembro de APL- Gaurgeroa
Gasteiz a 27 de octubre de 2020
