Elkarrizketa Sozialerako Mahaiaren ordezkaritza

Mugimendu pentsiodunak, behin eta berriz, gure aldarrikapenei buruz hitz egiteko Gobernuarekin zuzeneko elkarrizketa eskatu dugunean, honako hau erantzun digute: “Gobernuak ahalegina egin du eta egiten jarraituko du gure ongizate-estatuaren zutabe hori eraldatzeko, betiere elkarrizketatik eta akordiotik abiatuta. Gizarte-eragileekin batera lan eginez. “

Erraza da baieztatzea Elkarrizketa Sozialerako Mahaian (ESM) dauden sindikatuak eragile sozialak direla. Ez dute gezurrik esaten, soldatapeko biztanleriaren zati bat ordezkatzen baitute. Baina, adi, Mahai horretan kolektibo askoz zabalagoei dagokiena negoziatzen da.

Akordioek langabezian dauden langileei eta lehen enplegua bilatzen ari diren gazteei eragiten diete; langile autonomoei; erretiratutako langileei eta ezintasunagatik, alarguntasunagatik, zurztasunagatik eta abarrengatik pentsiodunei. Aipatutako kolektibo horiek ez dira sartzen hauteskunde sindikaletan (HH.SS), eta, beraz, demokratikoki hitz eginez, sindikatuek ez dituzte ordezkatzen. CCOO eta UGT “agente sozialekin” parekatzea “brotxa lodiaz” hitz egitea da. Hori baieztatzeko, aipatutako kolektibo guztien botoa izan behar da: langabeak, autonomoak, pentsiodunak, baita HH.SS.etan parte hartzeko ezintasuna pairatzen duten zenbait lan-sektorerena ere. Beraz, “Gizarte-eragileen” kontzeptu zorrotzagoa behar da.

Lehenik kontuan eduki behar dugu ESMren akordioen irismenak, lan arloan zein pentsioetan, 19,2 milioi kotizatzaileri eta 9,5 milioi pentsioduni eragiten diela.

Bigarrenik, langabetuen kopurua 3,4 milioi ingurukoa da, eta ezin dute hauteskunde sindikaletan bozkatu; autonomoak beste 3,2 milioi dira, eta ez dute ordezkaririk aukeratzen; eta, hauteskunde sindikaletan parte hartzeari buruzko unibertsitate-ikasketen arabera, 6 langile baino gutxiagoko enpresetako ordezkariak aukeratzea oso baldintzatuta dago enpresa horietako zuzendaritzetan, eta, horren ondorioz, enpresa-maila horretako 2 milioi langilek baino gehiagok ezin dute eskubide hori baliatu.

Horrela, 10 Mill kotizatzaileen (besteren konturako soldatapekoak) ordezkaritza sindikala dugu, eta HHSSn parte hartzeko aukera dute. Partaidetza hori % 65ekoa da. Parte-hartze horren ondorioz, langileen ordezkarien eta enpresa-batzordeetako kideen bi heren CCOO eta UGT sindikatuenak dira. Azken herena USO, CGT CSIF, ELA eta abarren artean banatzen da. Esan daiteke ESMko bi sindikatuek, bakoitzak soldatapeko biztanleen 2 milioi boto baino apur bat gehiagorekin, akordio horien eraginpean dauden ia 30 milioi lagunen ahotsa bereganatzen dutela Jarduera horrek demokraziarekin ez du ezer ikusirik..

Galderak agerikoak dira: elkarrizketa Sozialerako Mahaia “gizarte-eragileen” parte-hartzea bultzatzeko sortu zen, edo, hain zuzen ere, gizarteak berarentzat hain garrantzitsuak diren akordioetan parte hartzea eragozteko, hala nola jarduera ekonomikoari dagozkiona, LGS, pentsioen sistema publikoarekin zerikusia duen guztian, etab.

Zergatik ateratzen dira beti kaltetuta ESMaren akordioetatik kolektibo apalenak, xumeen eta babesgabeenak, hala nola lan feminizatuak, gazteria, kotizazio luzeko langileak, eta abar?

Erantzuna ere agerikoa da: ez gaituzte ezertarako ordezkatzen: kolektibo horiek GUZTIAK EZ GAUDE ORDEZKATUTA Elkarrizketa Sozialerako Mahai horretan. 10etan oinarrituz, ezin daiteke 30 ordezkatu. Eta 10 horietatik 4 botorekin ezin da 30 barne hartzen dituen “gizarte-eragile” titulua bereganatu.

Horregatik, behin eta berriz, Euskal Herriko eta Estatuko beste herri batzuetako Pentsiodun Mugimenduak elkarrizketa zuzena eskatzen ari gara Madril, Gasteiz eta Iruñeko gobernuari.

Horregatik, Euskal Herriko eta Estatuko beste herri batzuetako Pentsiodunen Mugimenduko ordezkaritza zabal bat BRUSELASera joango gara irailaren 27an, Europako Parlamentuko Enplegu eta Gizarte Gaietako Batzordearen aurrean gure aldarrikapenak zuzenean defendatzera.

Ezin ditugu murrizketak onartu, eta gainera “gure ordezkari” direla dioten eragile sozialekin egiten dituztela entzutea

BERDIN DIO NORK GOBERNATU, GUK PENTSIOAK DEFENDATU

Jesusmari Soubies. APL-Gaurgeroako kidea

Vitoria-Gasteiz, 2021eko irailaren 19a

Spread the love

Deja una respuesta

Tu dirección de correo electrónico no será publicada.