Emakumearen ahotsa – Uztailaren 13an, astehelena

Egoeraren larritasunak Osakidetzako langileen, egoitza zaharren, gizarte zerbitzuen, etxeko zainketaren eta pentsiodunen mugimenduarekin lankidetza eta ekintza batzea eskatzen du.

Emakume pentsiodunak protagonistak dira gure pentsioen eta gure eskubide sozialen aldeko borrokan, modu bikoitzean esplotatzen gaituen sistema honen aurka, emakume gisa, eta langile gisa, eta orain pentsiodun gisa, edo pentsiorik gabe.

Kalitatezko Gizarte Zerbitzu Publikoak behar ditugulako, eta horretarako baliabide pertsonalak eta ekipamendu egokiak behar ditugu. Eta ez da hori gertatzen ari.

Bilboko Udaleko Gizarte Zerbitzuak mugan daudelako. Duela urtebete, Gizarte Ekintza Arloko langileek beren ondoeza erakutsi zuten udaletxe honen beraren aurrean kontzentratuz, herritarrei zerbitzu duina eta kalitatezkoa eskaintzeko dituzten zailtasunak direla-eta. Bistakoa da pandemia horrekin beren lan baldintzak okerrera egin dutela, eta horrek gugan eragin negatiboa izan dutela.

Gauza bera gertatzen da Etxeko Laguntza Zerbitzuaren langileekin, beren lan baldintzak hobetzeko borrokan dabiltzanekin. Haiek gure etxeetan behar ditugu lanean, baina eskubide osoekin.

Zahartzeak, bakardadeak eta bakartzeak mendekotasuna eta babes eza sortzen duten gaixotasun fisikoak eta psikikoak sortzen dituzte. Gizarte Zerbitzuen egungo testuinguru sozialaren arabera plangintza eta antolaketa eskatzen dugu

Bizkaian 65 urtetik gorako 44.225 emakume bakarrik bizi dira. Horietatik 12.320 dauzkate 85 urte baino gehiago, asko mendekotasunak dituztenak edo ebaluazioaren zain.

%100 publikoa den nagusien-egoitza sare bat eskatzen dugu, arretaren kalitatea onura ekonomikoa nagusitzen delarik. Egungo egoiliarrek bizitza duina izan dezaten, eta  etorkizunean, hauetara jo beharko dugunontzat ere, arreta integrala jasotzeko.

Bizkaian baimendutako 155 egoitza zaharren artean, 122 kontzertatu/pribatuak dira, eta 33 soilik publikoak dira. Guztiak Bizkaiko Foru Aldundiaren sarean daude, eta 10.628 egoiliar dauzkate guztira. Foru aldundiko agintariek barne kontrola aplikatu behar dute multzoan, baita pribatuetan ere, diru publikoarekin lan egiten dutelako. Senideok behar bezala zaintzen direla jakin behar dugu.

Estatu Espainiarreko osasun pribatuaren presio taldeek etekin neurrigabeak lortzen dituzte Gizarte Segurantzarekin egin den txikizioaren aldetik eta orain, ospitale pribatuetako enpresaburuek 246 milioi euro erreklamatzen dizkiete Estatua eta autonomiei, Covid-19ri egin omen duten ekarpenagatik.

Osasun Sistemak negozioa izateari utzi behar diolako. Osasuna eskubidea delako. Estatuko eta Euskal gobernuek murrizketak eta pribatizazioak alde batera utzi eta Osasun Sistema Publikoa goratzeko beharrezkoak diren bitarteko profesionalak eta finantzarioak esleitzeko betebeharra daukate.

Jada ez dute aitzakiarik, pasatzen ari garenarekin.

Dirua badago. Justua den Zerga Erreforma eskatzen dugu, eta diru publikoa kentzen duten alferrikako lanak gelditu.

Gutxieneko pentsioa 1080 euro. Gutxieneko soldata 1200 euro.

Emakumeok aurrera !!