Emakumeok aurrera Urtarrilaren 18an,
Gu, emakume pentsiodun eta langileok, bi aldiz ustiatzen gaituen sistema horren aurka borrokatzeko erabaki tinkoa daukagu, emakume eta langile garen aldetik.
Kalean eman ditugun hiru urte hauetan, astelehenero klase-kontzientzia hartzen dugu, eta berresten digute gure bizi-baldintzak, lanekoak eta zainketakoak, emakume izateagatik normaltzat hartzen direnak, ez direla hain naturalak, ez! Inposatuak dira. “Anormaltasun” horren ondorioz, gure soldatak eta pentsioak askoz baxuagoak dira gure lankideenak baino. Buelta emateko, plaza honetatik eta Euskal Herriko plaza denetatik, emakume pentsiodunon ahotsa entzuten da.
Sistemak emakumeoi gutxiago ordaintzeko dauzkan tranpen artean, baita erretiroa hartzen dugunean ere, Toledoko Itun zitala inposatzea da.
TOLEDOKO ITUNEKO 21 GOMENDIOETATIK 20 EMAKUMEAK DIRA.
Politika feministaren Forumak aurkeztutako txosten batek gogorarazten du emakumeen eta gizonen pentsioen artean dagoen alde handia, eta salatzen du Toledoko Itunaren Batzordearen 21 gomendioetako batek bakarrik hartzen dituela kontuan emakumeak, baina “zaintzaileen rolean sartzeko” egiten duela. 17. gomendioa da, emakumeei eta gazteei buruz berariaz hitz egiten duena, eta “emakumeen eta gizonen arteko berdintasun eraginkorra bilatzea” gomendatzen du. Baina aipamen orokor horretatik harago, dokumentuak ez du irtenbiderik ematen genero-arrakala eraginkortasunez zuzentzeko.
Dauzkagun agintari horiek ez dute pentsioen arrakala beren jatorritik kendu nahi, jatorri horiek gizarte eta lan arlokoak direlako.
Gure erretirodunen, alargunen eta pentsio propiorik gabekoen pentsio gehienak pobreziaren azpitik edo mugatik gertu daude. Kontribuzio-mailakoak %0,9 igo dira, eta kontribuzio-mailakoak ez direnak %1,8. Ezin dugu gehiago itxaron bulegoetako itunen politikek euro ziztrin gutxi batzuekin mugatzen gaituzten bitartean. Europako Gutun Sozialaren arabera, 1080 euroko Gutxieneko Pentsioak eskuratu beharko genituzke. Orain, gaur bertan, berogailua piztu behar dugu, behar adina elikatu, botikak erosi, zergak eta fakturak ordaindu.
Toledoko Itunak, orain langileen eta pentsiodunen aurkako Elkarrizketa Sozialerako Mahaia dena, are gehiago pobretzen gaitu eta genero-arrakalak areagotzen ditu.
Gure kide pentsiodunekin kalean jarraituko dugu, gure aldarrikapenak lortu arte: pentsio duinak, oinarri arautzailearen %100eko alarguntasuna, 2011ko eta 2013ko Erreformak indargabetzea, ko-ordainketa farmazeutikoa eta jasangarritasun-faktorea indargabetzea, pentsio-plan pribatuak, osasun-zerbitzu publikoak eta kalitatezkoak baztertzea.
Dirua dago! Miseriazko pentsioen aurka! Borroka da bide bakarra!
Gutxieneko pentsioa 1080 euro, gutxieneko soldata 1200 euro.
Emakumeok aurrera!!
Loli Pisón Ochoa de Eribe