Euskadiko Pentsiodunen Mugimenduak Eusko Legebiltzarreko talde politikoei eman die 2021erako aurrekontuen zuzenketa.
Euskadiko Pentsiodunen Mugimenduak Eusko Legebiltzarreko talde politikoei eman die 2021erako aurrekontuen zuzenketa, eta, aldi berean, erregistratu egin ditu.
Plaza Berritik abiatuta, astelehenero bezala, euripean eta aterkiz estalita, Gasteizko erdiguneko kaleak zeharkatu ditugu, Legebiltzarrera iritsi gara, eta bitartean, lau pentsiodunek, hiru herrialdeak ordezkatuz, Arabako, Bizkaiko eta Gipuzkoako pentsiodunen plataformek 2021eko aurrekontuen aurrean egindako eskariei buruz onartutako dokumentua entregatu dute.
Behin barruan, prentsaurreko bat egin dute, eta EiTB, TVE (Telenorte) eta beste hedabide batzuk izan dira bertan.
Beste kazetari batzuek argazkiak eta komunikatua jaso dituzte Plaza Berrian, manifestazioaren hasieran (Efe agentzia, Diario Noticias egunkaria).
Ordezkariak Eusko Legebiltzarreko sarrera-aretoan zeuden bitartean, aurreko plazan, euskaraz eta gaztelaniaz, parlamentuari egindako eskariak azaltzen zitzaizkien pentsiodunei. Eusko Jaurlaritzak aurrekonturik sozialenak direla eta murrizketarik ez dagoela esatea kritikatuz, etab.