Finantza-erakundeen ilarak eta itxaronaldiak ez dira beharrezkoak eta arriskutsuak dira.

Bizkaiko Pentsiodunen Mugimenduak finantza-erakundeen zerbitzua murrizteari buruz adineko eta pentsiodun askok helarazi dizkiguten kexak plazaratzen ditugu.

Sukurtsalak ixteak eta horietan langilerik ez egoteak zerbitzuetarako sarbidea zailtzen dute, eta gure ustez beharrezkoak ez diren eta arriskutsuak diren ilarak eta itxaronaldiak sortzen. Sukurtsalak zaintzen dituzten pertsonen lana onartzen dugu, baldintza okerragoetan egiten baitute, lan-karga handiagoarekin, eta egoera horrek sortzen dituen arazoak jasaten baitituzte gehiegitan.

Gaur egun, banku-zerbitzua zerbitzu publikoa da, eta hala ulertu behar dute zerbitzua ematen duten erakundeek; zerbitzu ordezkaezina da, eta, bereziki, arreta presentziala behar du adinekoentzat.

Sentitzen dugu finantza-sektorearentzat lehentasunezkoa izatea lortu beharreko onura, eta horrek kostuak ezabatzea dakar, zerbitzuak eta langileak murriztuta. Hori ere interes kolektiboa lehenesten duen zerbitzu publikoa ematen duen banka publikorik ez izatearen ondorioa da.

Finantza-erakundeei eskatzen diegu alferreko itxaronaldi eta ilarak amai ditzatela, sukurtsalak irekiz eta horretarako behar diren langileak sartuz. Erabiltzaileek eta langileek beren jardueraren ingurunean osasuna bermatzeko beharrezkoak diren prebentzio-baliabideak izan behar dituzte. Egoera horri konponbidea emateko, dei publikoa egiten diegu finantza-erakundeei merezi ez dugun egoera hori berehala konpon dadin.