Bihar, martxoak 8, berriro ere, urtean egunero bezala, emakume guztien eskubideak aldarrikatzen ditugu.
Erretiratzeko adina gainditu dugun emakume asko, gaztaroan elkar hartuta borrokatu ginen ukatzen ari zitzaizkigun eskubideak eskuratzeko. Garai haietan, legez, aitaren edo senarraren baimena behar genuen bakarrik bidaiatzeko edo-ta bankuan kontu bat irekitzeko. Neskok jostera bidaltzen gintuzten eta mutilok ikastera. Lotsagabeak ginen ezkondu aurretik edo ezkontzatik kanpo harremanak izateagatik. Ez genuen gure esku jaiotza-tasaren kontrola, eta ezin ginen dibortziatu ondo konpontzen ez bazen bikotearekin edo tratu txarrak jasaten bagenituen.
Kalean eta auzitegietan egin genituen borrokek aukera eman ziguten gure bizitzaren eta gorputzaren kontrola inork babestu gabe izateko dugun eskubidea babesten duten legeak lortzeko. Soldata eta lan-baldintza hobeak lortzeko langileen borrokan ere inplikatu ginen. Auzoko elkarteetan lan egin genuen, familia-plangintzako zentroak, eskolak eta abar… lortzeko. Azken batean, gure eskubideak eta pertsona guztientzako gizarte justuago eta berdinzaleago bat lortzeko borrokatzen eta mobilizatu ginen.
Eta orain, zahartzarora iritsi garenean, gure eskubideen alde borrokatzeko beharra ez da desagertu. Askok miseriazko pentsioak ditugu, indarkeria ugari jasaten dugu eta gure osasuna ahuldu egiten da gure atzean daramagun lanagatik.
Pentsio bat eta bizi-baldintzak eskatzen ditugu, duintasunez bizi ahal izateko. Zerbitzu publiko onak behar ditugu, etxez etxeko arretakoak edo egoitzetakoak, errespetuz zainduko gaituztenak. Osasun publikoa nahi dugu, langile nahikoak eta gure osasun-arazoak tratatzeko gai direnak izango dituena.
Lagunak. Ez digute hau oparituko. Antolatu, elkarrekin lan egin eta mobilizatu behar dugu hori lortzeko. Eman dezagun pauso bat aurrera. Inoiz ez da berandu batzarretan parte hartzeko, gure iritzia emateko, ekintzak emakume-kolektiboetan, elkarteetan eta herritarren mugimenduetan antolatzen laguntzeko, guretzat eta adineko pertsona guztientzat bizitza duinaren alde.
Batzuk dagoeneko antolatuta gaude eta aktiboki kolaboratzen dugu hainbat taldetan eta Pentsiodunen Mugimenduan, baina askoz gehiago izan gaitezke. Emakumeak elkarrekin eta antolatuta, honako hauek lortzeko:
• 1080 €-ko gutxieneko pentsioa.
• Alarguntza-pentsioaren % 100.
- Pentsiorik baxuenak 1080 €arte osatzea Eusko Jaurlaritzaren eta Nafarroako Gobernuaren aldetik.
• Kalitatezko zerbitzu soziosanitario publikoak.
PENTSIOKIDEOK, EMAKUMEEN ESKUBIDEAK DEFENDATU
EGITEN DIRA!
PENTSIO PUBLIKOAK ETA BIDEZKOAK!
* Munduko gerra ugarietan pairatzen ari diren emakume, neska eta herritar guztiei ere elkartasuna adierazi nahi diegu. “GERRARI EZ” diogu, eta munduko boteretsuen interes geoestrategikoak salatzen ditugu.
Gasteiz 2022ko martxoaren 7a
