ESPAINIAKO GOBERNUAK, TOLEDO PAKTUAREN 16. gomendioa eta BRUSELASekin dituen konpromisoak betez, otsailaren 22an onartu berri du, eta Legebiltzarrera bidali du, presaz izapidetu dadin, ENPLEGU-PENSIOEN INPULSORAKO ERREGULAZIO-LEGEAREN PROIEKTUA. Horren helburua da gaur egungo 2,1 milioi atxikien kopurua handitzea, soldatapekoen eta autonomoen % 80raino, negoziazio kolektiboaren bidez.
ENPLEGUKO PLANAK ETA FUNTSA PRIBATUAK soldata geroratuekin eratzen dira, eta horiek EZ DUTE GIZARTE SEGURANTZAN KOTIZATZEN.
Escriváren helburuak makrofondo bat sortzea aurreikusten du, estatuaren babesa eta sustapena duena, baina bankuek eta funts pribatuen kudeatzaileek kudeatua.
Errenta ertain eta baxuen aurrezpen osagarria bultzatzeko balioko duela esan digute, baina ez da egia, enplegu-plan horiek Gizarte Segurantzaren eta Pentsioen Sistema Publikoaren defizita areagotuko dute, eta errentarik handienei eta oligarkia finantzarioari mesede egingo diete, milaka milioi eurotan areagotuko baita haien negozioa.
Planak funtziona dezan eta diru-sarrera handiko pertsonek pentsio osagarriak izan ditzaten, denon artean ordaindu beharko dugu sistema hau martxan jartzea, hasierako ekarpen publikoekin, zerga-arintzeekin eta, are larriagoa dena, enpresentzako deskontuekin. Escrivá planak Gizarte Segurantzaren kuota urtean 400 euro murrizten die enpresei enplegu-plan bati atxikitako langile bakoitzeko. PFEZren zerga-oinarrian murriztu egiten dira langileak urtean 60.000 eurotik beherako soldatak dituzten langileei egiten dien ekarpenaren gainetik. Sozietateen gaineko Zergan % 10eko kenkaria aurreikusten da, oraindik onartu gabe dagoena, baina Escrivak Legebiltzarreko izapidean sartu nahi duena. Tresna horiekin Estatuak Ogasunaren eta Gizarte Segurantzaren diru-sarrerak konprometitzen ditu plan pribatuak erakargarri egiteko.
Plan hori oso kaltegarria da, enplegu-planek zenbat eta arrakasta handiagoa izan orduan eta defizit handiagoa izango baitu Gizarte Segurantzak. 2030ean planak ezartzeko helburuak betetzen badira, eta soldatapekoen % 80k enplegu-plan bat badu, Gizarte Segurantzak 5.200 milioi euroko galerak izango ditu. Hori, PFEZ edo Sozietateen gaineko Zergaren bestelako desgrabazioak kontuan hartu gabe.
Helburua argi dago, PENTSIOEN SISTEMA PUBLIKOA asistentzia-mailara murriztea eta negozio pribatua handitzea. Ez zuten kontuan izan pentsiodunen erreakzioa, 2018ko urtarrilean kalera atera ginelako, eta ordutik etengabe salatu dugu jasaten ari diren espoliazioa.
Urteak igaro dira lan klasearen aurrezpen esanguratsua lortzeko helbururik lortu gabe, eta, horren ondoren, botere ekonomikoa eta haren ordezkari politikoak, Estatuan eta Euskadin, konklusio honetara iritsi dira: PENTSIO PRIBATUEN PLANAK ETA FUNTSAK sortzeko modu bakarra da geure intereserako egiten direla konbentzitzea, eta negoziazio kolektiboaren bidez onartzea.
MPEHk ez du onartzen PENTSIOEN PLANAK ETA FONDO PRIBATUAK, BANAKOAK EDO ENPLEGUKOAK sustatzea. BGAE berriak edo PENTSIOEN FUNTSI PRIBATUAK ez ditzatela sustatu eskatzen diegu sindikatu-ordezkariei negoziazio kolektiboaren bidez edo kontrol-organoetan parte hartuz. Eta plan horientzat edozein onura fiskala ezabatzea eskatzen dugu.
MPHE, PENTSIOEN SISTEMA PUBLIKOA indartzearen alde gaude, eta horretarako, beharreazkoa da 2010eko eta 2012ko lan-erreformak indargabetzea, langabezia-tasa odoltsuak murriztea, gazteena bereziki, besteak beste belaunaldi-erreleboa eta erretiro aurreratua sustatuz, eta ez zigortuz. LGSa hilean 1200 €-ra igotzea defendatzen dugu, erretirora 65 urterekin itzultzea langile guztientzat eta ez soilik 38.5 urte kotizatuta dituztenentzat, gutxieneko pentsioak hileko 1.080 €-ra igotzea, EUROPEA KARTA SOZIALAREN gomendioekin bat etorriz. Halaber, genero-arrakala ezabatzea aldarrikatzen dugu, ETXEKO ENPLEGATUAK sistema orokorrean sartuz, edo alarguntza-pentsioetan % 100 ezarriz, bai eta beharrezko beste neurri batzuk ere, hala nola 40 urteko edo gehiagoko kotizazio-karrerak dituztenen eta nahitaezko erretiro aurreratuak ez zigortzea.
BERDIN DIO NORK GOBERNATU, GUK PENSIOAK DEFENDATU
Pentsionistak Aurrera
Gasteiz 2022ko martxoaren 14a
